मुंबई- राज्यात कोरोनाबाधित रुग्णांची संख्या वाढत असताना राज्य सरकारकडून मोठा निर्णय घेण्यात आला आहे. राज्यात पूर्ण लॉकडाऊन नसला, तरी विकेंड लॉकडाऊनची घोषणा करण्यात आली आहे. तसेच कडक निर्बंध लादण्यात आले आहेत. शुक्रवारी रात्री 8 वाजल्यापासून सोमवारी सकाळी 7 पर्यंत कडकडीत लॉकडाऊन असणार आहे. अत्यावश्यक सेवा, रिक्षा, प्रायव्हेट गाड्या, ट्रेन, टॅक्सी बंद राहणार नाही. क्षमतेपेक्षा अर्ध्या क्षमतेनं सार्वजनिक वाहतूक व्यवस्था सुरु राहणार असल्याची माहिती राष्ट्रवादी काँग्रेसचे नेते नवाब मलिक यांनी दिली आहे. राज्यात कोरोना रुग्णसंख्या वाढत असल्याने आज राज्य सरकारने महत्त्वाची बैठक घेतली. यावेळी राज्यात कठोर निर्बंध लादण्याबाबत विरोधकांनी सकारात्मकता दाखवली. तसेच विरोधी पक्षांनी सहकार्य केलं, असं मलिक म्हणाले. राज ठाकरे, विरोधीपक्ष, उद्योग, फिल्म इंडस्ट्रीतील लोकांशी चर्चा करण्यात आल्याचंही त्यांनी सांगितलं.

-राज्यात रेस्टरॉ, सिनेमागृह, हॉटेल्स, शिएटर पूर्णपणे बंद राहतील.
-सरकारी कार्यालये 50 टक्के क्षमतेने सुरु
-इंडस्ट्री सुरु राहील
-कंस्ट्रक्शन साईटवर वर्कर्सना रहायला जागा आहे ते सुरु राहील
-सरकारी कस्ट्रक्शन सुरु राहील
-बाजारपेठा सुरु राहतील, पण गर्दी चालणार नाही
-शुक्रवारी रात्री 8 वाजल्यापासून सोमवारी सकाळी 7 पर्यंत लॉकडाऊन
-राज्यभरात नाईट कर्फ्यू
-बससेवा ट्रेनसेवा सुरु राहील, अर्ध्या क्षमतेने पब्लिक ट्रान्सपोर्ट
-वीकेंड लॉकडाऊनचा निर्णय
-गृहनिर्माण क्षेत्रातली बांधकाम सुरु राहिल.
-अत्यावश्यक सेवा सुरु राहतील
-इंडस्ट्रिअल, फिल्म क्षेत्रातील लोकांशी बोलणं झालंय.